Ish-ministri i Drejtësisë, Ylli Manjani përmes një postimi në rrjetet sociale ka ,ngacmuar ndjekësit e tij teksa shkruan: “Sapo mësova që nesër do të arrestohet Julian Deda”, koment ky që supozohet se nënkupton izolimin total në të cilin vendosen banorët e “Big Brother Vip Albania”.
Duke lënë të kuptohet se aktori i njohur i humorit, Julian Deda është banori i parë i Big Brother VIP3.
“Shërbimet e Policisë gjyqësore të Big Brother pritet ta ekzekutojnë vendimin menjëherë nesër ose maksimumi pasnesër”- përfundon Manjani.
Aktori i mirënjohur, Julian Deda i është përgjigjur duke komentuar: “mos harro më sill cigaret…!”
Koment të cilit Manjani i është përgjigjur me një shprehje të avokatit Maks Haxhia pas dhënies së vendimit burg për ish- ministrin Saimir Tahiri nga GJKKO “Viso, ço dy paketa atje”, e cila do të bëhej meme në rrjet.
“Ka pas punë Visi këto kohë, por do gjejë pak kohë edhe për ty”- shkruan Manjani.
